Rheolaeth weithredol

Caiff Cyllid Cymru ei arwain gan dîm rheoli gweithredol cryf gyda hanes rhagorol o lwyddiant. Maent yn arwain staff sy’n gweithio ym mhencadlys y cwmni yng Nghaerdydd a swyddfeydd rhanbarthol ledled Cymru.

Siân Lloyd Jones

Prif weithredwr
Penodwyd Siân yn brif weithredwr Cyllid Cymru yn 2004. Yn ystod y cyfnod hwnnw mae wedi ailstrwythuro’r cwmni, gan ddatblygu’r ffocws masnachol cryf sydd ganddo heddiw. Addysgwyd Siân yng Ngholeg Somerville, Rhydychen, a dechreuodd ei gyrfa gyda nifer o sefydliadau yn Ninas Llundain cyn dychwelyd i Gymru. Roedd yn prif weithredwr Bwrdd Datblygu Cymru Wledig ac yn gyfarwyddwr gweithredol yn Awdurdod Datblygu Cymru.

Mike Davies

Cyfarwyddwr risg
Ymunodd Mike â Cyllid Cymru yn 1999 ar ôl gweithio i Barclays Banc ers 1989 ar ôl gorffen gradd mewn gwleidyddiaeth ym Mhrifysgol Caerdydd. Ar ôl cwblhau rhaglen hyfforddiant graddedigion Barclays, bu gan Mike nifer o swyddi rheoli o fewn y banc ledled Cymru. Ymunodd â Cyllid Cymru fel rheolwr cronfa benthyciadau cyn cael ei benodi i’w swydd bresennol yn 2004.

Nick Moon

Cyfarwyddwr strategaeth a chyfathrebu
Ymunodd Nick â Cyllid Cymru yn 2002 a bu ganddo nifer o swyddi yn y cwmni. Mae gan Nick MBA gweithredol o Ysgol Fusnes Tanaka Coleg Imperial, lle arbenigodd mewn strategaeth uwch a chyfalaf menter. Cafodd ganmoliaeth yn ei draethawd hir a ystyriai ffactorau llwyddiant critigol ymyriadau llywodraeth mewn ariannu busnesau bach a chymdeithasol. Cyn ymuno â Cyllid Cymru, bu’n gweithio i’r Senedd Ewropeaidd ym Mrwsel lle bu’n rhoi cymorth i Aelodau Seneddol Ewropeaidd ar faterion datblygu economaidd, ac yn y sector preifat i gwmni cyfleustodau.

Kevin O'Leary

Cyfarwyddwr cyllid a gweinyddiaeth
Kevin sy’n arwain timau cyllid a gweinyddiaeth Cyllid Cymru yn fewnol. Ymunodd â’r cwmni yn 2006 o’i swydd flaenorol fel pennaeth gwasanaethau cymorth Awdurdod Datblygu Cymru. Cyn hynny treuliodd 22 mlynedd yn gweithio mewn llywodraeth leol yng Nghymru, gyda’i swydd olaf yno yn brif gyfrifydd awdurdod unedol yn ne Cymru am chwe blynedd. Astudiodd Kevin yn Ysgol Fasnach Lerpwl.

Peter Wright

Cyfarwyddwr buddsoddi
Ymunodd Peter â Cyllid Cymru fel cyfarwyddwr buddsoddi yn 2004 o’i swydd flaenorol fel pennaeth cyllid caffael Banc Fortis. Bu’n gweithio i NatWest am 31 mlynedd, yn cynnwys cyfnodau fel pennaeth uned cyllid arbenigol y banc a bu’n gyfarwyddwr corfforaethol canolfan busnes masnachol mwyaf y banc yn Llundain oedd yn canolbwyntio ar gwmnïau twf cyflym yn y sectorau technoleg ac e-fasnach. Bu’n aelod o fwrdd Cyllid Cymru am dair blynedd cyn ei benodiad.