Safbwynt Peter Wright ar... 2010

 

25/01/10

 

Peter Wright, investment directorMae nawr yn amser ardderchog i fuddsoddi ac mae gan Cyllid Cymru y cyllid i helpu tyfu busnesau eich cleientiaid, felly anogwch hwy i fod yn ddewr a chael ’chwilen twf’ yn 2010.

 

Gyda 2009 yn flwyddyn ddiddorol ac ansicr, gorfodwyd llawer o berchnogion busnes a rheolwyr i edrych o ddifrif ar eu blaenoriaethau. Nawr, wrth i ni symud i ddegawd newydd, credaf na fydd amser gwell i lawer o fusnesau fuddsoddi ar gyfer twf.

 

Anelu’n uchel

 

Yn Cyllid Cymru rydym bob amser wedi bod yn awyddus i ddarbwyllo busnesau bach a chanolig Cymru i gael ‘chwilen twf’ a chyflawni eu gwir botensial. I mi, dylai 2010 fod i gyd am fuddsoddi mewn twf. Hyd yn oed mewn cyfnod economaidd anodd mae cyfleoedd ar gael, ond bydd angen uchelgais, hyder ac yn bennaf oll ddewrder ar gyfer hyn.

 

Rwy’n falch ein bod yn gweld mwy a mwy o berchnogion a rheolwyr yn edrych ar i allan ac eisiau tyfu eu busnesau a thorri drwy ‘nenfwd gwydr’ trosiant £2 miliwn. Nid felly y bu bob amser ac ar hyn o bryd rydym hefyd yn gweld mwy o fusnesau bach a chanolig gyda throsiant o £10m a mwy yn ceisio cyllid buddsoddi.

 

Cynllunio, cynllunio, cynllunio

 

Ble bynnag mae busnesau eich cleientiaid arni heddiw, mae rhai pethau allweddol iddynt eu hystyried os ydynt i wneud gwahaniaeth go iawn yn 2010. Yn bwysicaf oll, oes gan y busnes gynllun busnes cadarn sy’n wirioneddol adlewyrchu’r hyn sy’n digwydd yn y busnes? Mae’r pwyntiau eraill i’w hystyried yn cynnwys:

  • Pwy sydd yn ei dîm rheoli ac a oes bylchau sgiliau?
  • Ym mha farchnad mae’r busnes yn gweithredu a beth yw ei ymwybyddiaeth marchnad?
  • A yw wedi ystyried bygythiadau allanol yn ogystal â chyfleoedd

Ac nid dyna ddiwedd y rhestr.

 

Felly, anogwch eich cleientiaid i fod yn ddewr a chychwyn ar lwybr twf yn 2010 - anogwch hwy i anelu’n uchel a gweithiwch gyda hwy i ysgrifennu’r cynllun busnes newydd yna.

 

Yr hyn y dylech ei wneud yn awr

 

Cysylltu â ni gyda manylion busnes eich cleientiaid.