Safbwynt Mike Owen: addunedau Blwyddyn Newydd ar gyfer
2010
14/01/10
Mae mis Ionawr yn draddodiadol yn amser pan fyddwn yn edrych
ymlaen a meddwl am newidiadau personol i wella ein hansawdd bywyd.
Yn aml, serch hynny, rydym wedi llithro’n ôl i’n hen arferion erbyn
mis Chwefror!
Felly p’un ai ydynt yn addunedau personol neu addunedau busnes,
rwy’n credu y dylem fod yn adolygu a meddwl yn gyson am ffyrdd i
wella os ydym o ddifrif am sicrhau iechyd a ffyniant.
Dyma fy 6 adduned Blwyddyn Newydd ar gyfer 2010:
-
Llunio cynllun busnes cadarn a realistig sy’n wirioneddol
adlewyrchu’r hyn sy’n digwydd yn eich busnes. Gwnewch yn siŵr eich
bod yn ei adolygu’n gyson ac yn ei gadw
-
Meddwl am eich tîm rheoli. A oes gan y tîm y cyfuniad cywir o
sgiliau a phrofiad? Gall tîm cryf wneud eich busnes, ond bydd tîm
gwan yn ei ddal yn ôl.
-
Adolygu eich cyllidebau a rhagolygon yn rheolaidd. Ydych chi’n
rheoli eich busnes yn unol â hynny? Nid yw pethau annisgwyl a
diangen yn dda i unrhyw fusnes a ‘dyw arianwyr posibl ddim yn eu
hoffi chwaith!
-
Cynyddu ymwybyddiaeth o’r farchnad. Ydych chi’n methu cyrraedd
neu’n rhagori ar eich targedau gwerthiant? Ydych chi’n gwybod ym
mha farchnadoedd yr ydych ynddynt a pha rai y dylech fod yn eu
targedu?
-
Buddsoddi ar gyfer twf. A fedrai’ch busnes fod yn cyflawni mwy
gyda buddsoddiad ychwanegol? Yn dibynnu ar eich llif arian, efallai
nad benthyciad yw’r opsiwn bob amser a medrai cyfuniad o ddyled ac
ecwiti fod yn ddatrysiad gwell.
-
Cynllunio ar gyfer eich ymddeoliad. Mae gan eich busnes werth ac
rydych wedi gweithio’n galed i’w adeiladu, felly peidiwch â thaflu
oes o waith caled ymaith!
Rydym yn buddsoddi mwy yn Cyllid Cymru - dros £20 miliwn hyd yma
yn 2009-10, mewn gwirionedd, ac rydym yn awyddus i fuddsoddi yn
eich busnes.
Felly byddwn yn eich annog i wneud rhai newidiadau parhaol i’ch
busnes a mynd am dwf yn 2010!
Yr hyn y dylech ei wneud 'nawr
Cysyllwch â ni gyda manylion eich
busnes.